Aftershock sang magnitude 6.9 nga linog sa Cebu, nagdangat na sa masobra 10 mil

Nagdangat na sa 10,006 ang kabug-usan nga numero sang mga aftershock nga narekord may kaangtanan sa magnitude 6.9 nga linog nga nagtay-og sa Cebu sang Setyembre 30, 2025.

Sa latest report sang Philippine Institute of Volcanology and Seismology (PHIVOLCS), nagahuyang nga nagahuyang ang mga ini apang posible pa nga magdugay.

Samtang, naplot sang Phivolcs ang kapin 1,767 aftershocks.

Ini ang mag nadetect sang duha ukon masobra pa nga mga monitoring stations.

Nabatyagan sang mga residente ang 44 sa mga ini apang kalabanan ang narekord na lamang sang mga pasilidad.

Ang magnitude range sini ang nagikan sa 1.0 tubtob 5.1.

Suno sa Phivolcs, padayon ang ila nga pagbantay sa mga aftershock gamit ang mga seismic monitoring stations sa rehiyon.