Lauman ang pagluntad sang aftershocks sa Davao Occidental kasunod sa nagluntad nga magnitude 6.4 nga linog kagab-i.
Suno sa Philippine Institute of Volcanology and Seismology (Phivolcs), ang linog nag-igo sa 314 kilometers southeast sang Balu Island, Sarangani, Davao Occidental, alas- 10:58 kagab-i.
Suno sa volcanologists, ang linog isa ka klase sang tectonic earthquake nga may 57-kilometer nga kadalumon.
Nareport ang intensity II sa:
Malungon, Sarangani
Kiamba, Sarangani
Koronodal, South Cotabato
Tupi, South Cotabato
Palimbang, Sultan Kudarat
Samtang intensity I naman sa:
Magsaysay, Davao del Sur
Sta. Maria, Davao Occidental
Nabunturan, Davao de Oro
Maitum, Sarangani
Malapatan, Sarangani
Banga, South Cotabato
Tampakan, South Cotabato
T’Boli, South Cotabato
Surallah, South Cotabato
Santo Niño, South Cotabato
General Santos City
Samtang, apisar sa ginalauman nga aftershocks, nagpahayag ang Phivolcs nga indi man ini makatuga sang dalagko nga halit.
