BACOLOD CITY — Matuod gid nga bisan ang edad kag sablag sa lawas ang indi makaupang sa mandu sang paghigugma.
Ini ang ginpamatud-an sang magkahagugma nga si Ely Gorero, 38-anyos; kag Mildred Chavez nga naga-edad sang 54-anyos.
Si Gorero ang may problema sa panglakat kag panan-awan samtang si Chavez naman ang 35-anyos na nga bulag sa iya bana kag may duha ka mga kabataan.
Sa Good Morning Philippines, ginpahayag ni Gorero nga nagsugod ang istorya sang ila paghigugma paagi sa text.
Makalipas ang duha ka bulan nga sila ang nangin textmates, nagkasugot ang mga ini nga magkit-anay agud mag-istoryahanay sa posible nga pagbuligay sa negosyo.
Makalipas ang pila ka adlaw, nahulog ang ila buot sa isa kag isa kag nagabulig na si Gorero sa pwesto ni Chavez sa Libertad Public Market.
Ginbaton ni Chavez ang paghigugma ni Gorero apang aminado ini nga indi magpasugot ang iya mga kabataan.
Bangud sa pagpakita ni Gorero sang katampad, amat-amat ini nga nabaton sang pamilya ni Chavez kag sa karon, apat na ka bulan ang ila relasyon kag nagaplano naman sila nga magpakasal.
Ginpasalamatan naman ni Chavez ang pagtinguha ni Gorero agud makabulig sa ila palangitan-an.
Suno diri, basta nagabuligay lang sila nga duha, masarangan nila ang mga pagtilaw sa kabuhi.
