Wala pa sang identity ang bangkay nga ginapatihan isa ka babayi nga nasapwan sa Sofia Gonzaga Avenue, Barangay Estefania, Bacolod City kahapon sang hapon.
Sa interview sang Bombo Radyo Bacolod kay Leonard Caballero, isa ka residente sang Barangay Estefania, Bacolod City, sang nakaligad nga duha ka semana may yara sang nagpangayo sang bulig sa lugar kun sa diin nakita ang nagakaagnas na nga bangkay.
Suno kay Caballero, ang duta kun sa diin nakita ang ginapatihan bangkay sang babayi ang ginatamnan sini sang saging bangud may yara sang nagabakal sa iya sang dahon para iputos sa puto.
Suno diri, sang Sabado makuha ini kuntani sang dahon sang saging sa nasambit nga lugar apang wala ini magdayon bangud sa naga-alingasaw nga baho.
Ginpahayag man sini nga wala ini nakahibalo nga may patay na nga tawo sa lugar apang napanimahuan na sini ang malain nga baho.
Suno kay Caballero ang lugar ang ginahabuyan sang basura kag ang ulihi sini nga nabatian sa lugar ang may yara sang nagapangayo sang bulig.
Duha sini ka beses nga nabatian ang nagapangayo sang tabang kag ang tingog nga ang lamharon pa.
