Ginkalipay ni Agri Patylist Representative Wilbert Lee ang pagpatuman sang Philippine Health Insurance Corp. (PhilHealth) nga 50 percent increase sa tanan sini nga benefit packages.
Madumduman nga sang Disyembre 23 ginpermahan ni PhilHealth president Emmanuel Ledesma Jr. ang Circular No. 2024-0037 kag ini ang epektibo sang Enero 1, 2025.
Ini ang ma-apply sa ginabanta nga 9,000 medical kag procedural case rates sang PhilHealth.
Sa interview sang Bombo Radyo Bacolod kay Congressman Lee, dako ang pagpasalamat sini sa tikang nga ginhimo sang PhilHealth apang indi ini mag-untat nga iduso ang ahensya para magamit ang tanan nga kwarta nga ginatago sang PhilHealth.
Suno diri, dapat mangin libre man ang CT scan kag pagpabulong sa tanan nga cancer kag dapat dako man ang macater nga bayaran sang PhilHealth para sa chemotherapy kag radiation therapy.
Pahayag ni Lee, tinutuyo gid sini nga maduso nga dapat libre ang bulong kag ang pagpabulong sang tanan nga pumluyo.
