Ginkalipay ni Agri Partylist Representative Wilbert Lee ang pag-issue sang Supreme Court (SC) en banc sang temporary restraining order (TRO) agud itransfer ang P89.9-billion nga pondo sang Philippine Health Insurance Corporation (PhilHealth) sa national treasury.
Sa interview sang Bombo Radyo sa kongresista, dako ang pagpasalamat sini sa pag-issue sang TRO bangod nakahibalo ini nga ang kwarta sang PhilHealth indi pwede nga taguon lamang kag indi pag-ihatag sa mga tawo nga nagakinahanglan.
Suno diri, ang kwarta sang PhilHealth ang natalana para magpalapad sang benepisyo sini.
Dugang pa sini, kinamatarong sang Pilipino nga makabaton sang bulig gikan sa gobyerno sa tion nga mamasakit ini kag ang PhilHealth ang una nga ahensya nga magapalab-ot sang bulig.
Pahayag ni Lee, indi dapat nga makabatyag sang kahadlok ang tawo magpadulong sa ospital bangod sa mahal nga balayran.
Luyag man sini sa karun nga mas magadako ang budget nga ipaggwa sang PhilHealth kada tuig para magbulig sa mga nagakinahanglan.
Sa karun, yara sa P504 billion ang standing balance sang PhilHealth sa bangko.
