Agriculture Secretary Francisco Tiu Laurel Jr., nagpasalig nga indi disbentaha sa mangunguma ang pagbaligya sang P20 per kilo nga bugas

Nagpasalig si Agriculture Secretary Francisco Tiu Laurel Jr. nga indi disbentaha sa mga mangunguma ang pagbaligya sang P20 per kilo sang bugas.

Kahapon, nagpadulong si Laurel sa ciudad sang Bacolod para sa ceremonial selling sang P20 per kilo rice program.

Suno diri, ang tuyo sang Department of Agriculture ang mabuligan ang mga mangunguma kag manugpang-isda kasubong man ginakonsiderar ang mga consumers.

Suno diri, wala sang dapat ikabalaka bangod may dako nga budget nga natalana para sa rice program para makabulig sa mga mangunguma.

Nakapangayo naman ini sang bulig kay House Speaker Martin Romualdez kag Senate President Francis Escudero para sa dugang nga budget sang NFA agud mabakal sa husto nga presyo ang humay sa mga mangunguma.