Gin-anunsyar ni Agriculture Secretary Francisco Tiu Laurel Jr. ang plano sini nga kakason ang brand labels sa mga imported nga bugas agud matapna ang pagmanipular sa presyo sang bugas.
Suno diri, matapos ang ginconduct nga pagbisita sa mga merkado, nakita sini nga iban sa mga retailers kag traders ang hungod nga nagapang-into sa mga manugbakal paagi sa pagbutang sang brand label nga imported ang bugas agud mabaligya nga mahal.
Luyag man sini nga kakason ang label kaangay sang “premium” kag “special” sa mga imported rice.
Apang, exempted naman sa ini nga plano ang mga locally-produced rice agud maproteksyonan ang Filipino farmers kag traders.
Pahayag ni Laurel, isa ka pribilehiyo ang pag-import sang bugas kag kun indi luyag sang mga traders nga magsunod sa regulasyon, ila i-hold ang permit para sa rice importation.
