-- ADVERTISEMENT --
Nagpanawagan si Agriculture Secretary Francisco Tiu Laurel Jr. sa mga swine industry stakeholders nga ibalik ang hog population kaangay sa pre-African Swine Fever (ASF) levels.
Sa 25th National Hog Convention and Trade Exhibit sa Pasay City, ginpahayag ni Laurel nga antes paman manghalit ang ASF, halos 14 million ang populasyon sang baboy sa Pilipinas, apang sa karun yara nalang sa 8 million.
Sa pagtaas sang populasyon sang tawo, ang demand ang sa karun mas mataas pa sa anay 14 million.
Suno diri, maathag ang challenge sa industriya, kag kinahanglan nga makaproduce sang dugang nga 2 million nga baboy kada tuig, halin 2026 tubtob 2028, agud mabalik sa pre-ASF levels, kag ini ang minimum requirement pa lamang.
