Ginpahayag ni Negros Occidental 5th District Representative Atty. Dino Yulo nga sa ikaduha sini nga termino pagatutukan sini ang pagpasanyog sang agrikultura kag turismo.
Suno kay Yulo, tinguhaon sini nga mapasanyog ang sugar industry sa probinsya.
Suno diri, ang 5th District ang may dako nga potensyal sa turismo bangud diri makita ang border sang anum ka banwa sa Negros Oriental.
Dugang pa naestoryahan naman sini kag sang representative sang 2nd District sang Negros Oriental nga buksan ang common corridors sa banwa sang La Libertad, Jimalalud, Binalbagan kag Isabela agud nga mapasanyog ang turismo sa Negros Occidental kag Negros Oriental.
Ginpadayon man ang Tayasan Road nga isa man sa pagpakita sang suporta sa pagpasanyog sang turismo kasubong man sa agrikultura agud indi na mabudlay ang pagtransport sang mga produkto.
