Gintalakay sang isa ka aircraft pilot kun ano ka delikado ang bird strike sa eroplano.
Sa interview sang Bombo Radyo kay Manuel Lamata, ang pispis sa tion nga mag-atake kag magsulod sa jet engine, automatic ini nga mapatay.
Suno kay Lamata, kun mapatay ang hydraulics gani indi na marelease ang landing gear sang eroplano.
Kaangay lamang sa natabo sa eroplano sang Jeju air kun sa diin wala na marelease ang landing gear sang eroplano nga nagcrash kag nakabunggo sa pader sang Muan International Airport sa South Korea.
Ang nasambit nga insidente ang nagbilin sang 179 ka mga napatay kag duha ka survivors.
Suno kay Lamata, natingala ini kun ngaa wala man magamit ang aircraft auxiliary power unit sang eroplano antes ang insidente.
Ang aircraft auxiliary power unit ang isa ka device nga nagahatag sang energy agud nga mag-function ang eroplano magluwas sa propulsion.
Ini ang masami nga makita sa mga dalagko nga eroplano.
May yara man sang mga alarms sa cockpit nga nagapahibalo nga may problema ini
Suno diri, kun wala na gagana ang jet engine, indi naman maggana ang hydraulics kag indi namarelease ang landing gear sang eroplano.
Ang balantayan kag delikado sa eroplano amo ang pagtake off kag paglanding.
