Matapos nga ginluwas sang U.S. special forces ang isa ka airman sa isa ka high-risk nga operasyon sa teritoryo sang Iran, nagpagwa sang pagpamahog si U.S. President Donald Trump sa Tehran nga mahimo atubangon sini ang mabaskog nga pag-atake kun indi gihapon pagbuksan ang Strait of Hormuz, nga kritikal sa pangkalibutanon nga suplay sang langis.
Madumduman nga gin-anunsyo ni Trump ang madinalag-on nga rescue operation kahapon sa iya nga social media post, kag ginlaragway ini bilang isa sa pinakahigh-risk nga misyon sa maragtas sang Estados Unidos, nga ginpatigayon sa isa ka nabukid nga bahin sang Iran.
Ang naluwas nga airman nga nagserbe bilang weapons officer sang isa ka F-15 Jet nga ginshot-down sang tinalikdan nga Byernes, ang nasamaran apang ginalauman nga gilayon nga mag-ayo.
Sa pihak nga bahin, liwat nga ginpaandaman ni Trump ang Iran nga pagabuksan na ang Strait of Hormuz antes ang Martes nga adlaw.
Nagpamahog man si Trump nga posible nga targeton ang mga pasilidad sang enerhiya kag imprastraktura sang transportasyon sa Iran, nalakip ang mga power plant, isa ka tikang nga suno sa mga kritiko, isa ka paglapas sa international law.
