Handa na ang Bureau of Fire Protection sa probinsya sang Negros Occidental agud nga magpatigayon sang mga activities para sa pagobserbar sang fire prevention month sa bulan sang Marso.
Sa interview sang Bombo Radyo Bacolod kay Negros Occidental Provincial Fire Director Fire Superitendent Kim Celisio, may yara na ang Bureau of Fire Protection-Negros Occidental sang nadihon nga mga activities kag plano para sa pagobserbar sang Fire Prevention Month sa bulan sang Marso kag mapahibalo man sa mga pumuluyo sang probinsya sang Negros Occidental kalakip na ang syudad sang Bacolod sa mga dapat himuon sa tion nga may magluntad nga sunog.
Suno kay Celisio, sa March 1, may patigayuno nga unity walk kun sa diin mahimo dal-on sang nga fur parents ang ila nga mga fur babies ukon mga pets.
Nagpahumdom man ang provincial fire director nga sa March 1, indi dapat maalarma ang mga pumuluyo bangud may yara sang patigayunon ang mga fire stations sa probinsya kag syudad sang Bacolod sang motorcade kag simultaneous blowing of sirens ala 12:00 ang takna sang udto.
Samtang may yara man sila sang patigayunon nga road show agud nga maeducate ang mga kabataan kun ano ang himuon sa tion nga may sunog bangud kalabanan sang mga casualties ang yara sa nasunog nga balay bangud ang mga kabataan ang indi makahibalo magwa sa balay.
Gani ginakampanya sang BFP sa karun nga kalimtan si Marites kag panumdumon si EDITH ukon Exit Drill in the Home agud malikawan ang kaswalidad sa tion sang sunog.
Sa March 1 ang road show ang patigayunon sang Kabankalan City Fire Station sa City Mall Kabankalan, sa March 3 to be finalize pa sang San Carlos City Fire Station kun sa diin patigayunon ang road; sa March 10 tubtob 11 ini ang patigayunon sang Silay City Fire Station sa Silay Public Plaza; March 17 patigayunon naman sang Bacolod Fire Station sa SM Bacolod kag ang ulihi ang Talisay Fire Station sa Talisay City Fire Station man kag ang ulihi nga activities ang essay kag poster making contest sa Talisay City Fire Station sagihapon kag ang magadaug sa provincial level igaendorse sa national headquarters sang Bureau of Fire Protection agud nga magcontest naman sa regional level.
