Ginpahayag sang resident volcanologist sang Phivolcs Kanlaon Volcano observatory nga ginabantayan ang gulpyada nga pagnubo sang ginabuga nga sulfur dioxide sang bulkan Kanlaon nga patimaan nga ini ang malupok.
Sa interview sang Bombo Radyo Bacolod kay Mari-Andylene Quintia, santo sa 24 oras nga monitoring sa bulkan, may narekord nga 27 ka volcanic earthquakes kun sa diin may 5,840 tonnes per day nga sulfur dioxide ang ginbuga samtang padayon ang degassing sini nga nagpagwa sang 750 meters nga kataason padulong sa northwest kag west nga dereksyon.
Suno diri, sang nag-erupt ang bulkan sang Hunyo 3 kag Disyembre 9, nakita nga nagnubo ang ginbuga sini nga sulfur dioxide bangod natabonan ang baba sini kag nagsaka ang pressure nga nagresulta sang iya paglupok.
Sa karun, mataas sa gihapon ang nagakarekordd nga volcanic earthquakes kag sulfur dioxide emission.
Yara sa gihapon sa alert level 3 ang bulkan kag ginapaandaman ang tanan sa gulpyada nga paglupok sini; pagluntad sang lava flow, ashfall, Pyroclastic Density Current, rockfall kag lahar flow sa tion sang pag-inulan.
