Aktres nga si Chie Filomeno, nag-athag nga wala sang eating disorder

Gin-athag sang aktres nga si Chie Filomeno nga wala ini sang masakit nga eating disorder.

Kasunod ini sa pagkwestyon gikan sa mga followers sini sa social media.

Ginsabat man sini ang pamangkot sang fans kag nagpahayag nga tawo lamang ini.

Nag-ugat ang pagpamangkot bangud sa kaniwangon sini sang magpost siya sang litrato nga nakabikini.

Indi lamang ini ang una nga kahigayunan nga ginsabat sang aktres ang pagmuno sang panglawason sini kag nagpahayag nga indi dapat pagitolerar ang body shaming.