Gin-ako sang aktres nga si Kylie Padilla nga wala sini nakita ang iya ginapangita nga married life sa pagpakasal sa iya ex-husband nga si Aljur Abrenica.
Ginlahog man ni Kylie nga “big mistake” ang kasal nila ni Aljur, apang ginbawi man sini bangod may yara man sila sang duha ka bata// Suno pa diri, in love ini sadto kag ginbayaan ang showbiz sang siya nagbusong.
Nabaton naman niya nga madamo kalakip na ang malapit sa iya kabuhi ang na-disappoint bangod sa iya pagbusong sa tion nga nagasanyog ang iya career.
Pahayag sang aktres, indi pa ini handa nga ikasal sadto apang para lang mapalipay ang mga tawo sa palibot sini nagapsugot ini nga magpakasal.
Suno kay Kylie, sa kasal, tanan gina-agyan sang mag-asawa nga bisan sa kabudlayan magka-upod ang asawa kag bana apang suno sa iya, ini ang wala niya nabatyagan sa pagpakasal sini kay Aljur.
Sa karun, nabaton na ni Kylie ang tanan kag na-forgive na ang kaugalingon sini samtang nakamove-on naman si Aljur nga sa karun in a relationship na sa sexy atress nga si AJ Raval.
