Akusasyon ni former Cong Zaldy Co nga si Presidente Marcos ang mastermind sa budget insertions, “hearsay” suno sa Malacañang

Gintawag nga “hearsay” ukon huring-huring lamang sang Malacañang ang nangin akusasyon batok kay President Ferdinand Marcos Jr.

Suno kay Presidential Communications Office Acting Secretary Dave Gomez, ang akusasyon ang wala sang kumpleto nga basehan kag mga ebidensya.

Suno diri, mismo ang Presidente ang nagbuyagyag sang tanan nga anomaliya sa flood control kag naghimo ini sang tikang agud mapasakaan sang kaso ang mga yara sa likod sini.

Magluwas diri, tinutuyo man nga mabalik ang kwarta nga ginkawat kag makay-o na ang tanan agud indi na maliwat pa ang sistema.// Ginhangkat ni Gomez si former Ako Bicol Partylist Representative Zaldy Co nga magpauli kag ipakigbahin ang iya mga alegasyon under oath.

Madumduman nga gin-akusahan ni Co ang Presidente kag si former House Speaker Martin Romualdez lakip na ang pila ka mga cabinet members nga nag-insert sang P100 billion nagikan sa national budget.