Oktubre 25 pa nagsugod ang mga aktibidad sang ciudad sang Bago may kaangtanan sa selebrasyon sang ika-121 nga Al Cinco de Noviembre ukon Negros Liberation.
Suno kay Mae Ann Fortus, Senior Tourism Operations Officer sang Bago City, madamo nga mga programa ang ila ginpreparar para sa selebrasyon nga nagadumdom sang kaisog sang mga Negrense nga nagbato sa mga Espanyol.
Pila lamang sa mga aktibidad may angut diri amo ang 3rd Mayor Nicholas Yulo Mountain Bike Challenge; Bago City Elementary School Day; Sigabong sang mga Baston, nga isa ka Arnis competition nga ginhiwat Domingo nga adlaw.
Pagkahapon, ginhiwat man ang local version sang Millenials Perspective nga kompetisyon sang rap, spoken poetry, drama kag vlog tuhoy sa Al Cinco de Noviembre nga ginhiwat sa Bantayan Park.
Karun nga adlaw, hiwaton naman ang Books and Exhibit on Wheels; koronasyon sang Little Miss Bago Coronation kun sa diin imbitado ang singer nga si Kyle Echarri.
Ang koronasyon ang isa ka fund raising activity sang ciudad para sa mga pigado nga Bagonhon, subong man ang 8th Dog Walk kag Fashion Show for the Dogs.
Samtang sa November 5, magapatigayon sang wreath laying sa monumento ni General Juan Araneta nga pagasundan sang civic military parade kag fancy drill sa Bago City Coliseum.
Magapatigayon man sang Intercollegiate Historical Drama Competion nga gintiguluhan “ Al Cinco De Noviembre, Short and Sweet” nga hiwaton sa isa ka mall sa reclamation area sa Bacolod.
Bukas ang kompetisyon sa mga eskwelahan sa bug-os nga probinsiya.//Bilang culmination sang selebrasy, magapatigayon sang fireworks display kag parties sa Noviembre 5 sang gab-i.
