-- ADVERTISEMENT --
Pangunahan ni “The Phenom” Alyssa Valdez ang 14-woman Alas Pilipinas Women’s National Volleyball Team para sa 2026 AVC Women’s Cup nga pagahiwaton sa Candon, Ilocos Sur.
Liwat nga magaserbe bilang team captain si Valdez samtang kalakip man sa lineup sanday Alyssa Solomon kag Niña Ytang, nga nagdesisyon nga indi na mag-intra sa 2026 PVL Rookie Draft agud tutukan ang ila katungdanan bilang tiglawas sang pungsod.
Maga-umpisa ang kampanya sang Pilipinas sa pool phase sa Hunyo 6 batok sa Uzbekistan.
