May yara sang ginalantaw nga motibo ang Bago City Police Station sa pagluthang-patay sa isa ka dismissed nga pulis sa Purok Michelle, Barangay Dulao, Bago City, kahapon, kapin alas-8:30 sang aga.
Ang biktima ang ginkilala nga si Renaldo Bernel, residente sang Barangay Pacol, Bago City.
Nagabyahe pabalik sa ginabantayan nga manokan si Bernel matapos sini gindul-ong ang iya bata sa eskwelahan.
Samtang nagadala sang motorsiklo si Bernel, siya ang hinali ginpa-arakan sang luthang sang ginabanta lima ka persona.
Narecover sa scene of incident ang 16 ka fired cartridges sang cal. 5.56mm, siyam ka fired cartridges sang cal. 9mm, isa ka live ammunition sang cal. 9mm, isa ka fired bullet sang cal. 9mm, ang motorsiklo sang biktima, isa ka unit sang handheld radio kag isa ka cellphone.
Sa interview sang Bombo Radyo kay Police Lt Col Jay Malong, hepe sang Bago City Police Station, napulo ka igo sang pagpangluthang ang nakita sa lawas sang biktima.
Suno diri, may yara na sila sang lead sa pagtumod sa mga suspek.
Ginalantaw sa karun nga motibo sa pagpatay kay Bernel amo ang negosyo, illegal nga druga nga sadto sang siya ang kabahin pa sang Philippine National Police siya ang gin-akusahan nga protektor sang drug personalities kag ang pagpatay sa sa pa ka pulis nga si SPO4 Roger Cañete sa banwa sang Brgy. Poblacion Dos, EB Magalona sang 2015 kun sa diin nadismiss sadto ang kaso.
