Ginpanginwala sang Malacañang ang claim ni former President Rodrigo Duterte nga nangawat si President Ferdinand “Bongbong” Marcos Jr. kag ginbaligya ang gold reserves sang pungsod.
Ang ini nga akusasyon ang ginpahayag sang anay Presidente sa isa ka campaign rally sa Cebu sang weekend kun sa diin ginclaim sini nga nagapadulong na sa pagka-diktador si Marcos.
Suno kay PCO Undersecretary and Palace Press Officer Atty. Claire Castro, ginareiterate sini ang statement sang Bangko Sentral ng Pilipinas nga nagaathag nga ang gross international reserves sang pungsod lakip na ang gold ang ginauyatan kag ginamanage sang BSP lamang kag wala ginagamit sa maskin ano nga purpose magluwas lamang sa pagmeet sang forex requirements sang pungsod.
Suno sa BSP, nagabakal kag nagabaligya ini sang gold agud mamintinar ang isa ka optimum level bilang isa ka hedge batok sa price movements sang iban nga assets.
Suno kay Castro, si Duterte, bilang isa ka abogado kag anay fiscalm ang dapat naghatag sang ebidensya agud hatagan sang back up ang iya claim.
