Ginpanginwala sang empleyado sang City Disaster Risk Reduction and Management Office (CDRRMO) sa ciudad sang Bacolod ang alegasyon sa pagpalapaw sang gatong para sa salakyan sang opisina.
Sa interview sang Bombo Radyo Bacolod kay Bacolod City Legal Officer Atty. Karol Joseph Chiu, nakaligad gindagdagan sang show cause order ang empleyado kag nagpasa ini sang counter affidavit nga iya ginadeny ang alegasyon batok sa iya.
Suno kay Chiu, sa imbestigasyon sang city legal office, ginapatughongan ang salakyan apang ang 20 tubtob 40 ka litro ang wala sini ginapatughong sa salakyan kag ginabutang sa container kag ginadala sa ila balay.
Ini ang natukiban nga napulo ka beses na sini nga ginhimo.
Sa karun ginahulat na lang ang dugang pa nga report agud mapasa na kay Bacolod City Mayor Alfredo ‘Albee’ Benitez kun ano man ang mangin decision sini.
