Nagpagwa sang public health advisories natuhoy sa sulfur dioxide kag ashfall ang Department of Health (DOH) gikan sa Taal Volcano nga ginpaidalum sa Alert Level 3 kasunod sang “short-lived phreatomagmatic burst”.
Santo sa DOH, ang sulfur dioxide ang isa ka colorless toxic gas nga makahatag sang kahalitan sa respiratory system kag makatuga sang kabudlayan sa pagginhawa.
Ang isa ka persona ang mahimo ma expose sa sulfur dioxide pinaagi sa paghaklo sini ukon skin contact.
Bangod sini ang mga residente ang ginapahanumduman nga ipaiway ang indi kinahanglan nga pagbyahe, isirad-an ang mga piyertahan kag bintana, ilabi na kun naga-istar malapit sa Taal Volcano caldera kag dapat nga permi suksok ang facemask, protective gear para sa mata kag tabunan man ang panit.
Nagpaandam naman ang DOH sa mahimo mangin epekto sang ashfall sang Taal.
Pahayag sang ahensya nga ang nagkadagdag nga abo ang makatuga sang health problems kag ang mga naagsuprer sang bronchitis,emphysema ukon asthma ang dapat nga maglikaw sa exposure sa volcanic ash.
Samtang ang mga yara naman sa high-risk areas nga mahimo i-evacuate ang dapat nga magpreparar na sang go-bags ukon emergency balde.
Ginpasaka na sang Philippine Institute of Volcanology and Seismology (PHIVOLCS) ang alert status sa Taal Volcano sa Alert Level 3 ukon magmatic rest kasunod sang naubserbaran nga malip-ot nga phreatomagmatic burst sa bulkan alas-7:22 sang aga kahapon.
Ginpaathag sang PHIVOLCS nga kun yara sa Alert Level 3, nagakahulugan nga ang magma ang malapit ukon yara na sa babaw, kag ang aktibidad ang mahimo makatuga sang mabagsik nga paglupok sa sulod sang isa ka semana.
Ang danger zone ang mahimo ma nga pasangkarun sa otso kilometros gikan sa aktibo nga crater.
