Ginpasaka sang Philippine Institute of Volcanology and Seismology ang status sang Mount Kanlaon sa Negros Island sa Alert Level 1.
Suno sa PHIVOLCS, yara na sa “abnormal condition” kag period of unrest ang bulkan.
Kasunod sini, gin-abisuhan ang mga local government units kag ang publiko nga hugot nga ginadumili ang pagsulod sa 4-kilometer radius permanent danger zone ” bangud sang posibilidad sang hinali kag peligroso nga steam-driven ukon phreatic eruptions.
Gin-abisuhan man sang state seismology office ang civil aviation authorities nga likawan ang paglupad malapit sa baba sang bulkan bangud delikado sa mga eroplano ang hinali nga phreatic eruption.
Humalin sang Marso 9, nakarekord ang Kanlaon Volcano seismic monitoring network sang 80 ka volcanic earthquake lakip na ang 77 low frequency events nga associated sang magmatic fluids sa idalom sang bulkan.
Suno pa sa PHIVOLCS, posible ang steam-driven ukon phreatic eruptions bangud sang nagasaka nga seismic activity bisan wala pa sang nakit-an nga degassing ukon steaming gikan sa active vent sang Mount Kanlaon sini nga tuig.
