Nag-abanse na si Filipina Tennis Star Alex Eala sa Round of 16 sang Canadian Open matapos ginlutos si Caty McNally sang America, 6-3, 5-7, 6-4, subong nga Sabado.
Nagpatawag sang medical time out si Eala sa second set bangud sa injury sa natuo nga buko-buko nga tiil.
Ginbutangan sang tape ang iya buko-buko samtang abanse siya sa second set, 3-2.
Makita man nga nagakabatyagan sini ang sakit sa iya nga tiil sa first set palang.
Sa pihak sini, gintungahan ni Eala nga mag-abanse sa third set matapos ginpakakas ang tape sa iya buko-buko agud mas mangin komportable sa paghampang.
Natigayon sini nga makuha ang kadalag-an sa isa na naman nga comeback attempt.
Matapos ang hampang, ginpahayag sang Filipina Tennis Star nga dako nga kabudlayan ang iya naeksperyensyahan sa hampang kag ginkalipay nga iya ini nalumpawasan.
Balantayan man ang kondisyon sa iya buko-buko nga tiil sa masunod nga hampang.
Natalana nga pagaatubangon ni Eala si Belinda Bencic nga halin man sa three-set victory batok kay Taylor Townsend sa Lunes (oras sa Pilipinas).
