-- ADVERTISEMENT --
Nakuha ni Filipina Tennis Star Alexandra “Alex” Eala ang iya labing una nga titulo sini nga season matapos ginlutos si Czech rising star Nikola Bartunkova, sa score nga 5-7, 6-3, 7-5, sa WTA 125 Birmingham Open kagab-i, Hunyo 7.
Ini ang ikaduha nga WTA crown sang 21-anyos nga Pinay tennis star matapos ang iya nga kampeonato sa Guadalajara 125 Open sa Mexico sang tinalikdan nga tuig.
Magluwas sa titulo, gintuldukan man ni Eala ang madugay na nga “curse” sa mga Czech players matapos makuha ang iya una nga kadalag-an batok diri humalin sang nangin propesyonal ini sang 2020.
