Matapos nga ginportray bilang sa isa ka ginaalegar big bosses sang illegal POGOs, gindeklarar ni Bamban, Tarlac Mayor Alice Guo ang iya kaugalingon bilang isa ka biktima kag nagpromisa nga isugid sini ang tanan sa isa ka Senate executive session.
Suno diri, indi ini ang mastermind kundi isa ka biktima kag sa kadugayon sang imbestigasyon, nagapati ini nga nakahibalo na ang committee kun sin-o ang yara sa likod sang tanan.
Ginpamangkot ini kun siya ang ginagamit sang isa ka criminal syndincate, nagsabat si Guo nga wala siya gingamit apang nakabulig lamang ini kag ginpanginwala ang mga alegasyon nga ginahaboy sa iya.
Suno diri, willing ini nga tumuron kun sin-o ang “most guilty” sa illegal POGO operations.
Nahibaluan nga nagkasugot na ang panel nga magpatigayon sang executive session matapos nagpromisa si Guo nga idisclose ang impormasyon nga indi sini luyag ipakigbahin sa public hearing bangud sa ginaalegar mga death threats.
