Natukiban sang National Bureau of Investigation nga magkaangay sang fingerprints sanday Bamban Mayor Alice Guo kag Chinese passport holder nga si Guo Hua Ping.
Suno kay Sen. Risa Hontiveros, ginkumpirmar sang findings sang NBI ang mga suspicions nga isa ka peke nga Filipino ang suspendido nga alkalde kag nagapakuno-kuno lamang agud makafacilitate sang mga krimen.
Nagpanawagan si Hontiveros sa Office of the Solicitor General nga padasigon ang filing sang isa ka quo warranto case batok sa gin-eleher nga opisyal.
Suno sa Senador, tuman ini kadako nga insulto sa mga botante sang Bamban, sa mga institusyon sang gobyerno kag tagsa ka mga Filipino.
Dugang pa sini nga ini ang pinakamabug-a nga ebidensya agud palayason na sa pwesto si Mayor Alice.
Ginpasalamatan naman ni Hontiveros si NBI director Jaime Santiago sa madasig nga tikang natuhoy sa fingerprints.
