Liwat nga gincite for contempt si dismissed Bamban, Tarlac Mayor Alice Guo sang Senate Committee on Women bangod sa kabutigan kag paglikaw sa mga pamangkot.
Ang motion sa pagcite in contempt ang ginhimo ni Senator Risa Hontiveros nga amo ang nagapamuno sa komitiba nga naga-imbestigar sa ginapahayag kaangtanan ni Guo sa Philippine offshore gaming operators (POGOs).
Suno kay Hontiveros, si Guo ang padayun nga nagabinutig apisar sa mga maathag nga ebidensya nga siya si Chinese national Guo Hua Ping nga may amay nga si Jian Zhong Guo, Chinese kag may iloy nga si Lin Wen Yi, nga isa man ka Chinese national santo sa banks documents santo sa verification ni Anti-Money Laundering Council (AMLC).
Pahayag sang Senadora nga ini ang hayagan nga pagkontra sa constitutional power of inquiry sang legislative department.
Dugang pa sini nga kaangay nga ginahampangan lamang sini ang layi kag ginapatiyog ang mga Pilipino.
Kasunod sini gincite in contempt sang panel head si Guo bangod sa kabutigan nga mga sabat kag paglikaw sa mga pamangkot.
Ini ang ginsegundahan man ni Senator Joel Villanueva kag JV Ejercito.
Si Guo ang mapabilin sa kustodiya sang Senado tubtob matapos ang imbestigasyon sang komitiba ukon tubtob nga kilalahon na sini ang otoridad sang Senado kag hatagan sang pagtahod ang mga layi sa pungsod.
Dugang pa ni Hontiveros nga ang komitiba ang magakoordinar sa bisan ano ang court order may kaangtanan sa detention ni Guo apang luyag nila nga tahuron sini ang Senado.
Antes paman sini, ginpanindugan sang anay alkalde nga siya si Alice Guo kag siya ang isa ka Pilipino.
Ini ang suli naman sa examination sang National Bureau of Investigation (NBI) sa fingerprints sini nga nagamatch sa Chinese national nga si Guo Hua Ping.
