Luyag nga magsungka ni Former Bamban Tarlac Mayor Alice Guo apang nagakahangaw ini sa iya nga seguridad suno sa legal counsel sini nga si Atty. Stephen David.
Suno sa iya, ini ang ginpahayag sang iya kliyente sa ulihi nila nga paghinun-anon sang Agosto 22.
Suno diri, madamo sang pagpamahog nga nagakabaton si Guo, internal kag external kag indi na ini kinahanglan pa nga i-elaborate.
Suno sa iya, luyag nga magsungka ni Guo apang ang nagapugong amu ang 50-50 chance nga mabutang sa risgo ang iya seguridad bangud madamo sang kontra kag indi lamang ang gobyerno ang interesad sa iya.
Apang nagapabilin ini nga may paglaom nga si Guo ang makumbinsi nga magsungka matapos sini nga nakit-an ang seguridad nga ginahatag sa iya utod nga si Shiela kasubong man kay POGO representative Cassandra Li Ong nga naaresto sa Indonesia sang Agosto 21.
