Liwat nga mapapili bilang alkalde sang Bamban, Tarlac si Alice Guo sa tunga sang mga alegasyon nga siya ang isa ka Chinese national nga naangot sa isa ka organized crime.
Si Guo, nga nakadetain bangud sa mga kaso may kaangtanan sa illegal POGOs, ang magafile sang iya certificate of candidacy sa masunod nga semana paagi sa isa ka representative.
Suno sa legal counsel sini nga si Atty. Stephen David, dapat nga makit-an sang pungsod kun palangga ini siya sang Bamban bangud kun palangga siya sang mga pumuluyo, siya ang magadaog.
Nagpahayag naman ang local Commission on Elections office sa Bamban, Tarlac nga ila pagabatunon ang certificate of candidacy ni Guo.
Suno kay Bamban Comelec Officer Edmund Salvador, wala sila sang ideya nga magafile si Guo apang indi na sila makibot diri bangud siya ang sarang man nga makapapili bangud nga wala pa sang final nga desisyon ang korte.
Suno diri, tubtob nga indi pa convicted ang isa ka persona, sarang ini nga makapapili sa maskin ano nga position.
Apisar sini, ginpahayag ni Justice Secretary Jesus Crispin Remulla nga nagahimo ini sang tikang agud mablock ang certificate of candidacy ni Guo.
