Ginpahayag sang mga otoridad nga ila pagakabigon nga daw kaangay sang ordinaryo nga mga detainee si dismissed Bamban, Tarlac Mayor Alice Guo kun siya ang pagasayluhon na sa Pasig City Jail.
Suno kay Bureau of Jail Management and Penology (BJMP) spokesman Jayrex Joseph Bustinera, ang anay alkalde ang magaupod sa general population sang Pasig City Jail female dormitory.
Suno diri, gamay lamang ang nasambit nga dormitory kun sa diin kapin 36 lamang ang ideal capacity sang prisuhan apang ang mga priso ang yara sa kapin 135 gani over capacity ini.
Suno diri, si Guo, nga nagapangatubang sang pila ka mga arrest warrants bangud sa ginaalegar kaangtanan sini sa illegal Philippine Offshore Gaming Operations (POGO) kag iban pa nga mga kaso ang iga-detain sa isa sa apat ka mga prison cells nga natalana para sa general population sang Persons Deprived of Liberty (PDLs).
