Ginpahayag ni Senator Risa Hontiveros nga nakagwa na sa Pilipinas si Alice Guo.
Santo sa post sang senadora sa social media, nakabaton ini sang impormasyon nga sang Hulyo 28, 2024 nagbyahe si Guo padulong sa Kuala Lumpur, Malaysia.
Nagpakita man ini sang dokumento nga nagapamatuod nga nagsulod sa Malaysia si Guo kag ini ang nagbyahe halin sa Pilipinas sang Hulyo 17 sang gab-i.
Gintawag man sini ang atensyon ni president Ferdinand Marcos Jr. nga nagmatch sa Philippine passport ni Guo ang nakuha sini nga mga dokumento.
Nagpasalamat naman ini sa National Bureau of Investigation (NBI) sa padayon nga pag track kay Guo.
Suno pa sa isa ka source ni Hontiveros, nagpadulong pa si Guo sa Singapore kag didto nakigkita sa iya ginikanan nga sanday Lin Wen Yi kag Guo JianZhong.
Ang ginikanan sini ang nahibaluan nga nagbyahe halin sa China sang Hulyo 28, nga suno kay Hontiveros kaangay nga nag-reunion ang pamilya kaupod man sanday Wesley Guo kag Cassandra Ong.
