Nagbiya na sa pwesto bilang alkalde kag konsehal sang Arcadia, California, si Eileen Wang, isa ka chinese-american politician, matapos ini nag-ako nga siya ang isa ka foreign agent sang China nga wala nagpahibalo sa gobyerno sang Estados Unidos.
Suno sa mga opisyal sang Amerika, gin-ako ni Wang nga nagpalapta ini sang propaganda pabor sa China humalin sang 2020 tubtob 2022 sa idalom sang direktiba sang mga opisyal sa Chinese government.
Nagapangatubang sa karon si Wang sa kaso nga federal nga may penalidad nga napulo ka tuig nga pagkapriso kag bail bond nga $25,000 ukon masobra P1.5 million.
Ginpahayag sang mga otoridad sa Estados Unidos nga ang mga sikreto nga paghulag para sa iban nga pungsod ang isa ka sahi sang pagpamahog sa demokrasya sang Amerika.
