Alkalde sa Bayawan City, Negros Oriental, nagpasalig sang bulig sa mga nalisdan nga pamilya sa pagkahulog sa pil-as sang mini dump truck sang City Agricultures’ Office

Handa ang Local Government Unit sang Bayawan City, Negros Oriental nga maghatag sang bulig sa pamilya sang mga biktima sang nahulog nga mini dump truck sa pil-as sa Sitio Orang, Brgy Kalamtukan, Bayawan City.

Suno kay Mayor John Raymond Jr, 100 percent nga handa maghatag sang bulig ang LGU sa pamilya sang biktima tubtob sa ila nga ikasarang.

Suno diri, nagapadayon ang imbestigasyon agud matumod kun ano ang rason sa pagkahulog sang mini dump truck bangod strikto man ang pag-maintainance diri.

Dugang pa sini ang driver nga si Egmedio Arnaiz ang madugay naman nga nagamaneho sang amo nga unit.

Samtang, nagpasalig naman ini nga hatagan sang tikang ang pagbutang sang barriers kag warning signages sa dalan nga tuman ka delikado.