Ginpahayag sang alkalde sang ciudad sang Cadiz nga dako ang pagsalig sang mga pumuluyo nga wala sang nagbunggo sa mga ini sa pagpapili bilang alkalde sa segundo distrito sa probinsya sang Negros Occidental.
Sa interview sang Bombo Radyo kay Cadiz City Mayor Salvador “Bading” Escalante, dako ang pagsalig sang mga pumuluyo sa ila sa second district kag nakita sang mga ini ang sinseridad sang mga opisyales nga nagapapili nga mga opisyales sang nasambit nga distrito.
Suno kay Escalante bisan indi man tanan masabat ang mga reklamo ang importante ginapaninguhaan sang mga ini nga mahatagan sang solusyon ang mga problema.
Suno diri, mahimo nga nakuntento ang mga pumuluyo sa second district sang ila nga pagserbisyo gani wala na sang nagbunggo sa akalde, board member kag district representative.
Suno kay Escalante, indi buot silingon nga matulog na sila bangud wala sila sang kontra kundi dapat doblehon pa nila kun ano ang ila ginhimo para sa pagserbisyo sa second district.
Ang pagsalig sang mga pumuluyo sa ila ang dapat balikan sang doble nga effort sa paghatag sang serbisyo
