-- ADVERTISEMENT --
Dismayado si Bacolod City Mayor Alfredo ‘Albee’ Benitez sa proseso sang pagpanagtag sang assistance sa mga pumuluyo.
Suno sa alkalde, nakita sini ang sitwasyon sang mga beneficiaries sa BCC activity center sa Brgy Taculing kun sa diin kapin sa 3,000 ka mga benepisyaryo sang Assistance to Individuals in Crisis Situation (AICS) ang naghulat sang pila ka oras kag nagginutok apisar sa kainit para lang makabaton sang ayuda.
Suno diri, ipadangat sini kay Department of Social Welfare and Development (DSWD) Secretary Rex Gatchalian ang sistema sang pay out sang assistance bangod nga indi insakto ang pagplastar sang programa kag pangitaan ini sang solusyon agud nga ma-avail sang mga beneficiaries ang assistance sang madasig.
