Ginkumpirmar sang alkalde sang ciudad sang Cadiz, Negros Occidental nga may nagpadulong nga mga personalidad gikan sa pribado nga sector sa ciudad agud nga magpangayo sang permiso nga magpapirma para sa people’s initiative sa pagammend sang 1987 Constitution.
Suno kay Cadiz City Mayor Salvador Escalante, ginpasugtan sini nga makainitiate sang people’s initiative paagi sa pagpirma sang form para sa charter change ang mga naglisensya sa iya.
Suno kay Escalante, santo sa monitoring nga wala man sang nagakatabo nga pagbaklanay sang pirma sang mga tawo.
Suno sa alkalde nga nagtawag man siya kay Negros Occidental 2nd District Congressman Alfredo Marañon III angot sa nagainitiate sang People’s Initiative para sa constitutional ammendment kag wala man ini sang nangin problema sa kongresista.
Ginpahayag man sini nga sang tinalikdan pa nga semana nag-umpisa ang signature campaign para sa constitutional ammendment.
Kumporme man si Escalante nga bag-uhon ang economic provision sang constitution kag wala naman sang pierdihon ang mga pumuluyo.
Matapos nga makuha ang panindugan sang kongresista gintawgan man sini ang mga punong barangay sa Cadiz City kag nagkumporme ang mga ini bangud initiative pa lamang ang ginadihon sa karun kag indi man plebisito.
