Ginpasalamatan man sang alkalde sang Cadiz City ang pagbisita ni Israeli Consul to the Philippines sa pamilya ni Loreta Alacre sa haya sini sa ila balay sa Cadiz Viejo, Cadiz City, Negros Occidental kaina sang aga.
Sa interview sang Bombo Radyo Bacolod kay Cadiz City Mayor Salvador “Bading” Escalante, dako nga dungog para sa pamilya ni Lorie ang pagbisita sang Israeli Consul to the Philippines kag nagpasalig man nga magahatag sang bulig para sa pamilya.
Suno kay Escalante, ginakalipay sini nga bukas ang gobyerno sang Israel nga magbulig sa pamilya ni Lorie.
Suno sa alkalde, ginpahayag ni Mohen, nga nakasaad sa layi sang Israel nga kun ano ang mga benepisyo nga makuha sang mga pumuluyo sang Israel sa tion nga mapatay bangud sa hostile action amo man ang makuha nga benepisyo sang mga Overseas Filipino Worker kaangay lamang ni Loreta Alacre.
Samtang, ginpahayag man sini nga tinguhaon man sini nga makatambong sa lubong ni Loreta sa November 5 bangud may yara sang aktibidad sa provincial capitol bilang pagdumdom sa Al Singko de Noviembre.
