Nagalaom ang alkalde sa ciudad sang Dumaguete sa Negros Oriental nga mapirmahan ni Presidente Ferdinand “Bong bong” Marcos Jr., ang Negros Island Region bill antes ini magbisita sa nasambit nga ciudad sa Mayo 20.
Suno kay Dumaguete City Mayor Felipe Remollo, nagakalangkag na ang mga pumuluyo nga mabalik ang Negros Island Region bangud luyag naman sang mga ini ang development ukon pagsanyog.
Ginkontra man ni Remollo ang pahayag sang Diocese of Dumaguete nga dapat indi mangin layi ang Negros Island Region bill bangud wala sang natabo nga konsultasyon.
Suno sa alkalde, may yara sang natabo nga konsultasyon kag dako ang paglaom sini nga mapirmahan na sang presidente ang hagna.
Ginpahayag man sini nga sang ginbawi ni anay President Rodrigo Duterte ang executive order sang Negros Island Region sang 2016, ang wala man sang konsultasyon nga natabo nga sadto nakaadjust na sila sa NIR.
Ginpahayag man sini nga wala man sang kinalain ang kultura sang Negros Oriental, Siquijor kag sa ciudad ang Bacolod magluwas nalang sa lenguahe nga ginagamit.
