Nagapanawagan ang alkalde sang La Castellana sa mga pumuluyo nga indi magpalapta sang fake news sa social media nga makatuga sang kahangawa matapos ang paglupok sang Bulkan Kanlaon, Biyernes, alas 8:05 sang gab-i.
Sa interview sang Bombo Radyo kay Mayor Añejo Nicor, indi tanan ang nakabatyag sang paglupok sang bulkan kag one-fourth lamang kun ikumparar sa eruption sang Disyembre 9 ang natabo kagab-i.
Suno sa alkalde, may nareport nga ashfall sa Barangay Sag-ang apang wala naman sang may gin-evacuate.
Suno kay Nicor, gilayon nga nagconvene ang mga opisyales sang banwa lakip na si Congressman Dino Yulo kag sa karun padayon nila nga ginamonitor ang sitwasyon.
Suno diri, iya nanotisyar sa social media nga may mga nagarepost sang daan nga mga videos sang halit sang paglupok sang bulkan nga malayo sa sitwasyon sa karun kag nagatuga sang panic sa mga pumuluyo.
Nagapanugyan ini sa mga pumuluyo nga likawan ang pagpalapta sang fake news sa karun nga paniempo kag magpabilin nga alerto.
