Ginklaro sang tagpamaba ni Mayor Renato Gustilo sang San Carlos City nga ang luyag lamang ma-imbestigaran sang alkalde amo ang forgery kag falsification of public documents sang tatlo ka mga contractors nga may gina-alegar ghost flood control projects sa ciudad.
Sa interview sang Bombo Radyo Bacolod kay Joe Ricalex Alingasa Jr., sila ang natalana nga magmeet upod sa Department of Public Works and Highways – Negros Island Region (DPWH-NIR) kasubong man sa District Engineer sa San Carlos City.
Pahanumdom sini nga ang luyag pa-imbestigaran ni Mayor Gustilo sa National Bureau of Investigation (NBI) amo ang pagpeke sang Notice of Award kag Kontrata, kun sa diin indi iya sang alkalde ang nakabutang nga pirma.
Paathag ni Alingasa nga wala sang ghost project ang DPWH-NIR, sa baylo ang tatlo ka contractor gikan sa Northern Luzon ang kaangay nga nagride-on sa existing project.
Suno diri, maayo ang paghuman sang mga flood control projects kag ini ang dako gid nga bulig sa pagtapna sang mga pagbaha.
Paathag sini nga documented kag naglabay sa madamo nga proseso kaangay sa public consultation.
Bangod na-ulamid na sa issue, luyag lamang ni Mayor Gustilo nga maklaro kag matinluan ang iya pangalan.
