Nagpangayo ang alkalde sang Bacolod City sang blueprint sang tanan nga water pipes sa ciudad agud mahatagan sang solusyon ang problema sa tubig.
Suno kay Bacolod City Mayor Alfredo Benitez, ang problema sa tubig sa ciudad sa idalum sang Bacolod City Water District (BACIWA) kag Prime Water kun sa diin ang mga kunsomidor nagaka-eksperyensya nga wala sang tubig kag malubog ukon tina-on ang nagatubod nga tubig ang bangod nga may yara sang leakage sa water pipes.
Suno diri, wala sang blueprint ang ciudad sa tanan nga water pipe sa Bacolod bangod humalin pa sang tuig 1970s pa ini sang gintukod.
Gani nangayo ini sang blueprint sa Bacolod City Engineer’s Office apang ini ang gintugyan sa BACIWA.
Luyag sang alkalde nga makuha ang blueprint agud matumod kun diin nga area ang may leakages kag kun sa diin pagasuguran ang reconstruction sa network sang water pipes agud mahatagan sang solusyon kag mapa-improve ang serbisyo sang BACIWA kag Prime Water.
