Ginpatsyekyar na ni Bacolod City Mayor Alfredo ‘Albee’ Benitez ang national housing units sa Brgy Felisa nga unoccupied agud hamtangan sang mga evacuees sang bulkan Kanlaon.
Suno sa alkalde, nakaligad pagbisita ni president Ferdinand Marcos Jr sa probinsya sang Negros Occidental, nagpabutyag ang mga Local Government Units nga may yara na sila sang plano pananglitan nga magsaka sa alert level 4 ang status sang bulkan apang ang problema na lamang sa karun amo ang budget.
Suno diri, nagpahayag ang presidente nga dapat magkoordinar ang mga LGUs agud wala sang duplication sa plano kag synchronized ini para sa short kag long term solution.
Pahayag ni Benitez, handa ang ciudad para mag-accommodate sa mga evacuees kun sa diin ginpatsekyar na sini ang housing units sa Brgy Felisa kun may yara sang unoccupied units para saylohan sang mga evacuees.
