Alkalde sang Bacolod may listahan na sang magabulos sa city director sang Bacolod City Police Office

May yara na sang listahan nga nabaton ang alkalde sang Bacolod City para sa magabulos bilang direktor sang Bacolod City Police Office.

Suno kay Bacolod City Mayor Alfredo Benitez, nabaton na sini ang listahan nga pilian sang bag-o nga BCPO director, bulos kay Police Colonel Thomas Joseph Martir nga magaretiro na.

Suno sa alkalde, indi ini familiar sa yara sa listahan nga luyag kuntani sini interviewhon kag kilalahon.

Suno diri, iya ginapangita sa isa ka indibidwal ang madasig magdesisyon, transparent, nagatrabaho sang husto, nakahibalo kun ano ang mga hilimuon, may good record, maisog kag taga-ciudad sang Bacolod.