Ginahulat pa sang alkalde sang ciudad sang Bacolod ang kopya sang complaint kag imbestigasyon nagikan sa national interagency task force batok kay City Health Officer Dr. Carmela Gensoli bangud sa gina-alegar discrepancy sa pagreport sang COVID-19 results nagikan sa molecular laboratory sa Corazon Locsin Montelibano Memorial Regional Hospital sa Emergency Operations Center (EOC) antes ini maghatag sang komento.
Madumduman nga Nobyembre 16 sang ginpasakaan sang kaso sa City Prosecutor’s Office si Gensoli bangud sa paglapas sini sa Reapublic Act 11332 ukon Mandatory Reporting of Notifiable Diseases and Health Events of Public Health Concern Act kag RA 11494 ukon Bayanihan to Recover as One Act.
Suno kay Mayor Evelio “Bing” Leonardia, wala pa nila nabaton ang kopya sang complaint kag indi man sang mga ini kabahin sang imbestigasyon bangud ini ang inisyatibo ni Deputy Implementer for Visayas General Melquiades Feliciano.
Suno kay Leonardia, may yara sang kaugalingon nga function, duty kag responsibilidad sanday Feliciano kag wala pa sila nakacoordinate diri nahanungod sa isyu.
Suno sa alkalde, iya gintransfer si Gensoli sa Economic Recovery Committee bangud mangin dako ini nga kontribusyon agud may yara sang medical flavor sa economic recovery.
