Ginalantaw sang alkalde sang Bacolod City ang dako nga posibilidad nga iextend tubtob sa madason nga tuig ang deadline sang pagbyahe sang traditional jeepney sa ciudad.
Una nga gin-anunsyar nga tubtob na lamang sa Disyembre 31, 2023 ang pagbyahe sang Traditional jeepeney apang suno kay Bacolod City Mayor Alfredo Albee Benitez, basta may Provisional Authority ang traditional Jeepney makapadayon ini sa pagbyahe.
Suno diri, dapat indi maapektuhan ang mga pumuluyo sa kakulangan sang transportasyon nga sa karun 50 porsyento ukon masobra pa lamang sa 500 ang unit sang Modernaized Jeep ang nagabyahe sa ciudad.
Dugang pa niya, may yara pa sang mga isyu nga dapat i-address kaangay na lamang sa mga traditional jeepneys nga indi luyag magsulod sa kooperatiba.
Pahayag ni Benitez, ginatun-an pa ang proposal nga pagtukod sang isa ka asosasyon para sa mga traditional jeepney nga pagapamunuan sang Bacolod City Government, ini agud mahatagan sang kasiguraduhan kag masaligan sang tradtional drivers kag operators ang asosasyon kun ang ciudad mismo ang naga-uyat sini.
