Ginhingyo sang alkalde sang Bacolod City sa mga indi makapadulong sa mga buluthuan para magboto sa plebisito sa Joint Venture Agreement sang Central Negros Electric Cooperative Inc. (CENECO) kag PrimElectric nga magpadala na lang sang proxy kag ini man nagpasiguro nga batunon ang proxy form apisar sa boto sini nga Yes ukon No.
Suno kay Bacolod City Mayor Alfredo Albee Benitez, iya nabaton ang impormasyon nga pagresume sang plebisito sa nalimpyuhan na nga masterlist sang mga member consumer.
Suno diri, ang indi makahimo nga magpadulong sa mga buluthuan para magboto, may yara sang ginpamutang nga mga booth para sa mga luyag magpabulig sa pagpadala sang proxy kag sila man ang pagahatagan sang proxy form.
Libre man didto ang pagpanotaryo.
Nagpasiguro man ini nga ang proxy form nga ihatag apisar sa boto sini nga Yes ukon No, ini ang batunon.
Pahayag ni Benitez, dapat nga may information dissemination campaign ilabi na sa JVA nga dapat mahibaluan ang tanan nga issue angot diri.
Dako man ang pagpati sang alkalde nga isa sa butang nga mangin super city ang Bacolod dapat nga may yara ini sang estable kag masaligan nga electricity supply.
Ang plebisito ang patigayunon sa Agosto 19 tubtob Agosto 20; August 26-27 kag Setyembre 2 kag 3.
