Nagpahanumdum ang alkalde sang Bacolod City sa mga empleyado sang Bacolod City Government Center nga magsunod sa ila mandato, regulasyon kag mga polisa sang ciudad.
Madumduman nga sang damlag lang, gindismiss sa serbisyo ang pinuno sang Department of Public Services bangud sa 9 counts of grave misconduct kag gross neglect of duty.
Si Ramel Palalon ang nagapangatubang sang nasambit nga kaso administratibo bangud siyam ka fuel receipts ang iya ginpirmahan para sa bulldozer nga wala naman ginagamit nga nagabalor sang P50,000.
Magluwas sa 9 counts of grave misconduct, nagapangatubang man ini sang gross neglect of duty.
Sang Nobyembre, gindagdagan si Palalon sang 90-day suspension without pay bangud sa irregular nga paggamit sang bulldozer, kaupod ang driver nga si Darwin Cardones.// Sang Abril 27, ginpapanaog ni Mayor Alfredo Benitez ang order angot sa dismissal ni Palalon sa serbisyo.
Suno kay Benitez, kun sigehon sang department heads ang paghimo sng fraudulent nga mga dokumento, wala na sang rules kag proper documentation.
Suno sa iya, ang sanctity sang documentation amu ang pagsunod sa rules kag ang ini nga kultura ang gintestingan nga bag-uhon sang mga nagalapas diri.
Suno sa alkalde, ang mga pagsulundan ang gintukod agud masiguro ang insakto nga proseso kag pagserbisyo.
Samtang, nagapadayon pa sa karun ang imbestigasyon kag suno diri, ginhatagan sang ciudad sang nagakaigo nga tion kag forum agud maka-eksplikar ang mga imbolbado.
Nagalaom si Benitez nga magasunod ang tanan nga empleyado sang Bacolod City Government Center, lakip na siya, sa rules kag ila mandato.
Nagapadayon naman ang iya pagreview sa performance sang mga department heads
