Luyag sang alkalde sang ciudad sang Bago maathag nga guidelines may kaangtanan sa pag-evacuate sang mga pumuluyo nga apektado sang paglupok sang Bulkan Kanlaon.
Ini kasunod sang pahayag ni Office of the Civil Defense Administrator Ariel Nepomuceno nga dapat i-reconsider sang mga alkalde sang Bago City kag La Castellana ang ila nangin desisyon nga papaulion ang mga evacuees nga nagapuyo sa saguwa sang 6-kilometer radius extended danger zone bangud nagapabilin ang posibilidad sang paglupok sang bulkan.
Suno kay Bago City Mayor Nicholas Yulo ila ginatuman ang guidelines nga wala sang human activity sa sulod sang extended danger zone.
Dugang pa sini, sa ginhiwat nga DRRM Council Meeting, mismo ang PHIVOLCS ang nagpahayag nga mahimo papaulion ang mga indi sakop sang 6-kilometer radius sang Kanlaon.
Suno sa alkalde, ang nasambit nga statement sang OCD ang nagatuga sang confusion gani dapat klaruhon ang mga pagsulundan.
